Rio-de-Janeyroda keçirilən XV Yay Paralimpiya Oyunlarında iştirak edən Azərbaycan idmançıları bu gün Vətənə dönüb.
Inclusivenews.org xəbər verir ki, "Rio-2016” Paralimpiya Oyunlarında Azərbaycanın idman tarixinə yeni parlaq səhifələr yazmış paralimpiyaçıları Heydər Əliyev Beynəlxalq Aeroportunda onların ailə üzvləri, idman ictimaiyyətinin nümayəndələri, paytaxt sakinləri böyük təntənə ilə qarşılayıblar.
Qeyd edək ki, "Rio 2016" Yay Paralimpiya Oyunlarında ölkəmiz 24 idmançı ilə təmsil olunub. Paralimpiyaçılarımız "Rio-2016”ya idmanın 6 növü üzrə 41 lisenziya qazanıblar. İdmançılarımız cüdo, atletika, pauerliftinq, üzgüçülük, güllə atıcılığı və kamandan oxatma yarışlarında mübarizə aparıblar. Millimiz yarışı 11 medalla (1 qızıl, 8 gümüş, 2 bürünc) 38-i yerdə başa vurub.
Orxan Əliyev